+0 به ین
داش قلبلی انسانلاری نئیلردین الهی؟!
بیزده بو سویوق قانلاری نئیلردین، الهی؟!
آرتدیقجا، حیاسیزلیق اولور ائل متحمل،
هر ظلمه دؤزه ن جانلاری نئیلردین، الهی؟!
بیر دؤرده كیم، صدق و صفا قالمایاجاقمیش،–
بیلمم بئله دؤورانلاری نئیلردین، الهی؟!
مظلوملارین گؤز یاشی دریا اولاجاقمیش،–
دریالاری، عمان لاری نئیلردین الهی؟!
صیاد جفا كاردا رحم اولمایاجاقمیش،–
آهولری، جئیرانلاری نئیلردین، الهی؟!
باغین، اكینین خیرین بیلر گؤره جكمیش،–
تخم اكمه یه دهقان لاری نئیلردین، الهی؟!
ایش رنجبرین، گوج اؤكوزون، یئر اؤزونونكو،–
بَیزاده لری، خان لاری نئیلردین، الهی؟!
حكم ائیله یه جكمیش بوتون عالمده جهالت،–
دلدادۀ عرفانلاری نئیلردین الهی؟!
«سورتوق» لو مسلمانلاری تكفیره قویان بو،–
دؤشدوكلو مسلمانلاری نئیلردین الهی؟!
یا خود بولارین بونجا نفوذی اولاجاقمیش،–
بئش – اوچ بو سخندانلاری نئیلردین الهی؟!
غیرتلی دانوس بازلاریمیز ایش باجاریركن،–
تنبل، ده لی شیطانلاری نئیلردین الهی؟!
ارلر هره بیر قیز كیمی اوغلان سئوه جكمیش،–
ائولرده كی نسوانلاری نئیلردین، الهی؟!
تاجرلریمیز سونیالرا بند اولاجاقمیش،–
بدبخت تكذبان لاری نئیلردین، الهی؟!
سبحانكی، سبحانكی، سبحانكی، یارب!
باخدیقجا بو حكمتلره حیران اولورام هپ!…
بیزده بو سویوق قانلاری نئیلردین، الهی؟!
آرتدیقجا، حیاسیزلیق اولور ائل متحمل،
هر ظلمه دؤزه ن جانلاری نئیلردین، الهی؟!
بیر دؤرده كیم، صدق و صفا قالمایاجاقمیش،–
بیلمم بئله دؤورانلاری نئیلردین، الهی؟!
مظلوملارین گؤز یاشی دریا اولاجاقمیش،–
دریالاری، عمان لاری نئیلردین الهی؟!
صیاد جفا كاردا رحم اولمایاجاقمیش،–
آهولری، جئیرانلاری نئیلردین، الهی؟!
باغین، اكینین خیرین بیلر گؤره جكمیش،–
تخم اكمه یه دهقان لاری نئیلردین، الهی؟!
ایش رنجبرین، گوج اؤكوزون، یئر اؤزونونكو،–
بَیزاده لری، خان لاری نئیلردین، الهی؟!
حكم ائیله یه جكمیش بوتون عالمده جهالت،–
دلدادۀ عرفانلاری نئیلردین الهی؟!
«سورتوق» لو مسلمانلاری تكفیره قویان بو،–
دؤشدوكلو مسلمانلاری نئیلردین الهی؟!
یا خود بولارین بونجا نفوذی اولاجاقمیش،–
بئش – اوچ بو سخندانلاری نئیلردین الهی؟!
غیرتلی دانوس بازلاریمیز ایش باجاریركن،–
تنبل، ده لی شیطانلاری نئیلردین الهی؟!
ارلر هره بیر قیز كیمی اوغلان سئوه جكمیش،–
ائولرده كی نسوانلاری نئیلردین، الهی؟!
تاجرلریمیز سونیالرا بند اولاجاقمیش،–
بدبخت تكذبان لاری نئیلردین، الهی؟!
سبحانكی، سبحانكی، سبحانكی، یارب!
باخدیقجا بو حكمتلره حیران اولورام هپ!…