+0 به ین
سؤزلریم قالانیب سینه ده قالیب *** سینه ده یارالی سؤزده یارالی
گؤزلریمدن آخان یاش دئیل قاندیر *** ئوركده یارالی گؤزده یارالی
خزان ، یارپاقلاری یئره سپه لیر *** سكوتون نغمه سی قولاغی دلیر
عاشئقین سازیندان غم سسی گلیر *** عاشیقدا یارالی سازدا یارالی
هانی عاشیقلارین صؤحبتی سازی *** هانی گؤزللرین عشوه سی نازی
اوچوو یارالادی گؤللرده قازی *** ئوركده یارالی ، قازدا یارالی
عشقیم یادا دوشوب گؤزلرسولانیر *** بوتون آرزیلاریم اود توتوب یانیر
ئوره گین باشینا كؤزلر قالانیر *** آتش ده یارالی كؤزده یارالی
باهارچاغی خزان بیرتالان سالیب *** یاسمن سارالیب لاله سارالیب
نرگیزین گؤزلری نیگران قالیب *** خزان دا یارالی یازدا یارالی