�
+0 به ین
Bir eniş var
sonunda
Hər dikin
Hər yoxuşun
Yerə bir enmək də var
Uçuşunda hər quşun
Bu yollar dolay-dolay
Fikirlər qoşun-qoşun
Dolaşırıq dünyanı
Əldə dəmir bir əsa
Ayaqda dəmir çarıq
Biz tapdıqca itirir
İtirdikcə tapırıq
Həvəsimiz, meylimiz
Gah suyadır, gah oda
Tapdığımız qədər də
İtiririk dünyada
Sonda sevincə dönür
Çəkdiyimiz əzablar
Uduzduğum - ömürdür
Qazandığım - kitablar
Nehrəni çalxamadan
Süd də dönüb yağ olmur
Nəyisə itirmədən
Nəyisə tapmaq olmur
Hər gəliri-çıxarı
Çəkir mizan -tərəzi
Hər əyləncə, hər səfa
Bir cəfanın əvəzi
Qazancın iki ucu
Həm xeyri, həm bəlası
Yollardakı qəzalar
Sürətin öz bahası
Nağıl döndü gerçəyə
Bu məqamda biz artıq
Sürəti yox
əyləci
Tapana minnətdarıq
Hara gedir bu sürət
Hara gedir bu gərdiş
Bizim yaratdığımız
Bizə qənim kəsilmiş
İztirabsız bir fərəh
Əziyyətsiz bəhər yox
Həyatın qiymətini
Ölümlərə borcluyuq
Könül duymaz sevinci
Ona zülüm olmasa
Həyat bizi bezdirər
Əgər ölüm olmasa
Həvəsimiz, meylimiz
Gah suyadır, gah oda
Tapdığımız qədər də
İtiririk dünyada
İyul, 1980
+0 به ین
منه عصبی سن دئین ، دوز دئییر *** منیم نقصانیمی دئمك ایسته ییر
سؤز آتدین ، كؤنلومده قوپدو زلزله *** بیلمه دیم نه زمان چیخدیم اؤزومدن
توخوندون كؤنلومه اوسته لیك هله *** دئییرسن لال اولوم قیشقیرمایم من؟؟
دمیر ، دمیردی كی توخونسان اگر *** اودا جینگیلده یر ، اودا سسله نر
من كی ایسته میرم بیر اؤرك سینا *** عصبییم ، چونكی هیجانیم وار
هارداسا بیر حاققین تاپدانماسینا *** من دؤزه بیلمیرم ایستی قانیم وار
منه بیگانه دیر سویوق قانلی لیق *** هر شئیه ، اؤز اؤلچوم ، اؤز تره زیم وار
سنین غرضینین منه دخلی یوخ *** منسه اؤز گؤروشوم ، اؤز غرضیم وار
دئ ، نئجه اود دوتوب آلیشماییم من *** فیكیرسیز مسلكسیز اؤلو جانلارا ؟
بلی عصبییم هئچ چكینمه دن *** منیم عقیده مه توخونانلارا
دونیایا گلمیشم ، آنلایام ، قانام *** آنلادین ، اوره گین اود توتوب یانار
بلی ، عصبیم چونكی اینسانام *** منیم نیفرتیم وار ، محبتیم وار
قوزویا دا بلی ، قوردا دا بلی ؟ *** دئییرسن اولماسین باخشیم منیم ؟
نقصانیم بودورسا اگر - دئمه لی *** آنجاق ناخیشیم دیر ، یانلیشیم منیم
+0 به ین
سن ، بوتون
سولاردان، قوپ - قورو چیخدین *** دوزه لر ان چتین ایشین بیر آندا!
كیم دئیه بیلر
كی بیر یول كاریخدین *** مگر دانیشدین كی كاریخاسان دا ...!
سوسماقدیر ان
بویوك سیلاحین سنین *** اولمادی هئچ زمان گوناهین سنین !
بو بویدا دونیادا،
دئیرم یقین *** نه اؤلن دوستون وار، نه ساغ دوشمنین
!
هئچ كسین شرینه
اورتاق اولمادین *** هامی نین خیرینده پائین وار سنین
هر شئی سنین
اوچون عادی دن عادی *** هله حئیرتینی گؤرمه دیك سنین !
قلبین بیرجه
دفعه قیمیلدانمادی *** سینه ندن آسیلان داشیمیش یقین !
خئیره دینمه دین
، شره دینمه دین *** فرقی یوخ بیر اولسون یادا مین
سن بیر
آلچاقلیغا غضبلنمه دین *** باری اوجالیغا اولسون حیرتین
سفرده آرخانا سن
دؤنه - دؤنه *** گاه قالدین آرخادا گاه كئچدین اؤنه
ایكی اوزون الدو
ساج ایپه یی تك *** اگر توپورسه لر دونار توپورجك!
عشق اولسون
نیفرتی آچیق دوشمنه *** دوشمنین نیفرتی تكاندیر منه
"دونیایا گلمیشیك دولاناق "- دئدین *** آنجاق ، بیرمطلبی قانا بیلمه دین !
یاشاماق مقصدی چئوریلن زمان *** یاشایا- یاشایا ، یاشامیر اینسان
ایستی دن،سویوق دان،قورخوب هن دئین *** ایچمه یه،سویودا،ایلیق ایسته ین
یالانا ، بؤهتانا غضبلنمه ین *** حاقسیزلیق اؤنونده سوسوب دینمه ین
آخی یاشامامیش بیراینسان كیمی***دولانمیش،سورونموش اؤزمعده سی اوچون
بئله سی ، وطنداش اولا بیلرمی؟ *** ایستیلی ، سویوقلو ، دونیادا بیر گون
�