+0 به ین
فیکیر محتاجییام ، فیکیر محتاجی
ائله بیر فیکیر کی او منه رهبر
من اونا عادیجه بیر عسگر اولام
اونون عشقی ایله دوغسون سحرلر
من اولون یولوندا سفربر اولام
یئریمدن اویناتسین منی توپ کیمی
جانیمدان چیخاتسین اتالتیمی
اوفیکیر- اؤز یولوم اؤز آدیم اولسون
او منیم ان موحکم قانادیم اولسون
دؤنوب ایلدیریما قوی ویرسین منی
اولدوزدان اولدوزا اوچورسون منی
ائله بیر فیکیر کی او منه جاندان
داها عزیز اولسون
جان اونودولسون.
منیم گونلریمه بیر یون بیر سوکان
منیم ایل لریمه او، عنوان اولسون
ائله بیر فیکیر کی یانسین اود تکین
ظولمت ایچینده ده یول وئرسین منه
ائله بیر فیکییر کی گؤردوکلریمین
ایچینی ،مغزینی گوسترسین منه
اونو سو کئچیریب ، اود اریتمه سین
یولوندا یای کیمی گریلیم من
عؤمرومون سونونا چاتسین بیتمه سین
اونو نوه مه ده وئره بیلیم من
ائله بیرفیکیر کی ، آرزودا کام دا
اونون هاواسیله بسلنسین مودام
ائله بیر فیکیرکی قولاقلاریمدا
دؤیوش نغمه سی تک سسلنسین مودام
ائله بیر فیکیر کی او گولن کیمی
حیکمتلر آچیلسین
معنا دورولسون.
نه یه توخوندوسا ، بیر اکسیر کیمی
اونون دئیه رینی بیلدیرن اولسون
ائله بیر فیکیر کی تاپینیب اونا
یولونا گووه نیم
غرورلانیم من.
اوچوم او آمالین سونسوز لوغونا
زیروه لر باشیندا زیروه لنیم من.
گؤزه گورونمه ین عؤمور یولومدور
خیاللا ، ایمانلا، دولو فیکیرلر.
منیم سحریمین دان شفقلری -
صاباحین کؤرپوسو ، یولو فیکیرلر
ظولمتین ایچینده اولدوز تک یانار
دنیز تک قوورولار ، گؤل تک چالخانار
آخیر منزیلینی بیر معبد سانار
موقدس فیکیرلر، اولو فیکیرلر.
بعضاً ناله چکیب ، توکر گؤز یاشی
همیشه اؤزومله دورار یاناشی .
اؤزومون حاکیمی ، سؤزومون باشی
عشقیمین ، آرزومون قلو فیکیرلر.
آردینی اوخو
