^{عؤمرون فصیللری تئز باشا گلدی*** یایی بهرلیدیر قیشی بهرسیز}

^{بیر واخت آییلدیم كی هئیدن دوشموشم***ایللر ئوز آتینی چاپدی یهرسیز.}

^{آمال اولان یئره باش قویان ایللر***  توران گؤزلریمه یاش قویان ایللر.}

^{ای یاشیمین ئوستونه یاش قویان ایللر***هارا قاچیرسینیز مندن خبرسیز}

^{ای عؤمور گؤرونور آرتیق ساحیلین***الین قیسالدیقجا اوزانیر دیلین}

^{عؤمور دن وئردیگین یئتمیش اوچ ایلین***زهری یئترلی بالی یئترسیز}

^{ئوز چیین یوكودور هركسین یاشی ***دردی- سیرداشیدیرفیكری- یولداشی}

^{دؤنوب خصلتیمه قهر گؤز یاشی*** سئوینج ده كدر ده ئوتمور قهرسیز}

^{فیكیرلر سئلینده آخاندان بری***آییرا بیلدینمی خیردن شری؟}

^{توكولموش عؤمرومون یارپاق ایللری*** باغچاسی ویرانه باغی چپرسیز}

^{كؤنول اوكؤنول دی قوجا یاشیندا*** فیكیر لر قایناشیر یئنه باشیمدا}

^{یئنه هجومدایام سؤز ساوشیمدا***سؤزوم تپرلدیر ئوزوم تپرسیز}

قونشوم یخدی دیوارین      باتدی بو گون قان-تره             

قارانلیق اطاقینا            آچدی ئوزو پنحره

آمٌا قونشوم بیر دفعه        ئوز فیكرینه قالمادی

قارانلیق افكارینا            او پنجره سالمادی          

سوزلر یازاجاغم آلا گؤزلردن     چؤرك فیكری اگر بوراخسا منی

ایلهام آلاجاغام شیرین سوزلردن     چؤرك فیكری اگر بوراخسا منی

منی دیللندیرن دیندیرن سن سن    سنلن گولور باهار گولله نیر چمن

سنی غزلیمده یاشادارام من       چؤرك فیكری اگر بوراخسا منی

گؤزلرین ساحیلین دولاناجاغام     اوردا هئی دورولوب بولاناجاغام

یئنه ده عشقون ایله قالاناجاغام    چؤرك فیكیری اگر بوراخسا منی

یئنه ده سینه مه ساز آلاجاغام     یئنه سازی چالیب سازالاجاغام

داغلارا داشلارا سس سالاجاغام    چؤرك فیكیری اگر بوراخسا منی

سؤزلر قالاخ قالاخ قالیب سینمده    عالمین حسرتی نیسگیلی منده

یینه یازاجاعام باهار گلنده              چؤرك فیكیری اگربوراخسا منی

منه قاش قاباقلی دئین نازنین       آلنی آچیق یاشاماق چتیندیر چتین

بیر گون قاش قاباغیم چكیلر یقین    چؤرك فیكیری اگر بوراخسا منی

هله لیك عشقدن دانیشما منه       هله من بورجلیام دوستا ،وطنه

عشقین غونچه لری گولله نر یئنه      چؤرك فیكیری اگربوراخسا منی