گئجه لر دوزولور ساپا فیکیرلر،
یورغانیم داش اولور ، دؤشییم تیکان
سحرلر گؤزومو آچیب دونیایا
قالخماق ایسته میرم هئچ یاتاغیمدان
یاتماق ایسته ییرم ، یاتماق ، باخ ائله
گؤزومو زیلله ییب تاوانا باخیم
من هانسی آرزونون تلاطومو یله
اینیمی گئینیب ، قاپیدان چیخیم ؟
قاچیرام - قاچیرام سحرلر منه
بیر دئین اولماسین :صاباحین خئیر
آخی ، صاباحینی ایتیرن یازیق ،
صاباحدان شر اومور ، خئیر ایسته میر
................................
آردینی اوخو