+0 به ین
بو شعر " شوروی " آدلانان سیستیمین وصفینده دئیلیبدیر
آچان گوندن گؤزوموزو
اومیدلرین لایلاسیندا
خومار گؤردوک اؤزوموزو
آرزوموزو وئرمه دیلر،
بیزه آنجاق دؤز ،دئدیلر.
ائله بیلدیک دوز دئدیلر.
هر گئجه نین گؤندوزو وار،
گله جک گوندوز دئدیلر.
بیز گؤزله دیک.
قلبیمیزده باش قالدیران
اومیدلری عزیزله دیک.
هئی ایزله دیک،
اوجا اوجا کورسولردن
وضع اولونان نیطقلری،
حیاتدا یوخ،
قزئتلرده گؤستردیلر،
بیزه یالنیز خیری - شری
شیرین - شکر یالانلاری یئیه - یئیه
بیز ایناندیق گله جه یه .
او گلمه دی .
دوز اییلدی.
ایریلیکلر دوزلمه دی .
آرزوموزن عوضینه
بیزه یئنه سؤز وئردیلر.
جقیقتی گؤرمه مکچون
دئیشدیریب گؤزوموزو
بیزه باشقا گؤز وئردیلر .
باخیب ساختا گؤزوموزله
هامار گؤردوک چوخورو بیز.
سارای بیلدیک آخورو بیز.
گؤرممه دیک قات باغلایان پاخیری بیز.
بو پاخیری گؤرنلری ،
خالق یولوندا جاندان کئچن ارنلری
"خالق دوشمنی" دامغاسییلا
لکله ئیب محو ائتدیلر.
حاق آدینا حاقی ییخیب سوروتدولر.
بوزو آغدان سئچنلری ،
زیندانلاردا چوروتدولر.
سوسوب دؤزدوک ،دؤز ، دئدیلر.
سؤزدن بولوق
سؤز ایچینده ، اوز ، دندیلر.
سؤز ایچینده اوزه - اوزه
صبریمیزدن بزک ووردوق عؤمروموزه.
هر جفایا دؤزه - دؤزه
بیز آلچالدیق آدیمباشی.
قول ائتدیلر وطنینده وطنداشی ،
آیاق آتدا پالاز اولدو لیاقتی .
بیز اوجالیق ظن ائله دیک رذالتی .
صبر ائله دیک.
قارا گوتو آغ سؤزیله پرده له دیک.
ظن ائتمه یین ،
بدبختلییی اؤزوموزه درد ائله دیک،
"بیز خوشبختیک ، بختوریک" - سؤزلرینی
شوعار کیمی دیلیمیزده ویرد ائله دیک .
قیریب قالین مئشه لری
پامبیق اکدیک .
قانیمیزدان گولاب چکدیک .
یوز هکتارین محصولونو اون هکتارا،
اون نفرین محصولونو بیرنفره
یازا - یازا
هم اینسانی ، هم تورپاغی
نئچه وئردیک بیز گودازا.
میدان وئردیک ، آغ یالانا ،
حقیقت ده تاپدالانا - تاپدالانا،
چکیلدی داغلار دالینا،
بلکه اوردا دالدالانا.
صبر ائله دیک
اؤزوموزه جبر ائله دیک.
"اوردن" ، میدال یاریشیندا
دومانلادیب بئینلری .
"ددت" ایله زهرله دیک
یوز-یوزلری ،مین - مینلری
بیرجه چنگه آغ پامبیغا
قوربان وئردیک گنج قیزلان، گلینلری .
بو دونیایا گؤز آچمامیش کورپه لری
بطندجه زهرله دیک.
یاشامادیق ، باش گیرله دیک
یالان - یالان وعده لری یئیه - یئیه
اومید ایله قارنیمیزی دویوزدوروب،
بیز ایناملا یئنه باخدیق گله جه یه .
گله جکلر گلیب کئچدی،
اومیدیمیز دوغرولمادی.
شیرین - شکر یوخولاردا چین اولمادی.
اما یئنه صبر ائله دیک.
قلبیمیزی آرزولارا قبر ائله دیک.
سوسماغی دا غیرت ساندی غیرتیمیز.
صبریمیزین لایلاسیندا
خومارلاندی غیرتیمیز.
بودؤزومه ،
بو ظولومه ،
حئیرتده دیر حیرتیمیز!
آچان گوندن گؤزوموزو
اومیدلرین لایلاسیندا
خومار گؤردوک اؤزوموزو
آرزوموزو وئرمه دیلر،
بیزه آنجاق دؤز ،دئدیلر.
ائله بیلدیک دوز دئدیلر.
هر گئجه نین گؤندوزو وار،
گله جک گوندوز دئدیلر.
بیز گؤزله دیک.
قلبیمیزده باش قالدیران
اومیدلری عزیزله دیک.
هئی ایزله دیک،
اوجا اوجا کورسولردن
وضع اولونان نیطقلری،
حیاتدا یوخ،
قزئتلرده گؤستردیلر،
بیزه یالنیز خیری - شری
شیرین - شکر یالانلاری یئیه - یئیه
بیز ایناندیق گله جه یه .
او گلمه دی .
دوز اییلدی.
ایریلیکلر دوزلمه دی .
آرزوموزن عوضینه
بیزه یئنه سؤز وئردیلر.
جقیقتی گؤرمه مکچون
دئیشدیریب گؤزوموزو
بیزه باشقا گؤز وئردیلر .
باخیب ساختا گؤزوموزله
هامار گؤردوک چوخورو بیز.
سارای بیلدیک آخورو بیز.
گؤرممه دیک قات باغلایان پاخیری بیز.
بو پاخیری گؤرنلری ،
خالق یولوندا جاندان کئچن ارنلری
"خالق دوشمنی" دامغاسییلا
لکله ئیب محو ائتدیلر.
حاق آدینا حاقی ییخیب سوروتدولر.
بوزو آغدان سئچنلری ،
زیندانلاردا چوروتدولر.
سوسوب دؤزدوک ،دؤز ، دئدیلر.
سؤزدن بولوق
سؤز ایچینده ، اوز ، دندیلر.
سؤز ایچینده اوزه - اوزه
صبریمیزدن بزک ووردوق عؤمروموزه.
هر جفایا دؤزه - دؤزه
بیز آلچالدیق آدیمباشی.
قول ائتدیلر وطنینده وطنداشی ،
آیاق آتدا پالاز اولدو لیاقتی .
بیز اوجالیق ظن ائله دیک رذالتی .
صبر ائله دیک.
قارا گوتو آغ سؤزیله پرده له دیک.
ظن ائتمه یین ،
بدبختلییی اؤزوموزه درد ائله دیک،
"بیز خوشبختیک ، بختوریک" - سؤزلرینی
شوعار کیمی دیلیمیزده ویرد ائله دیک .
قیریب قالین مئشه لری
پامبیق اکدیک .
قانیمیزدان گولاب چکدیک .
یوز هکتارین محصولونو اون هکتارا،
اون نفرین محصولونو بیرنفره
یازا - یازا
هم اینسانی ، هم تورپاغی
نئچه وئردیک بیز گودازا.
میدان وئردیک ، آغ یالانا ،
حقیقت ده تاپدالانا - تاپدالانا،
چکیلدی داغلار دالینا،
بلکه اوردا دالدالانا.
صبر ائله دیک
اؤزوموزه جبر ائله دیک.
"اوردن" ، میدال یاریشیندا
دومانلادیب بئینلری .
"ددت" ایله زهرله دیک
یوز-یوزلری ،مین - مینلری
بیرجه چنگه آغ پامبیغا
قوربان وئردیک گنج قیزلان، گلینلری .
بو دونیایا گؤز آچمامیش کورپه لری
بطندجه زهرله دیک.
یاشامادیق ، باش گیرله دیک
یالان - یالان وعده لری یئیه - یئیه
اومید ایله قارنیمیزی دویوزدوروب،
بیز ایناملا یئنه باخدیق گله جه یه .
گله جکلر گلیب کئچدی،
اومیدیمیز دوغرولمادی.
شیرین - شکر یوخولاردا چین اولمادی.
اما یئنه صبر ائله دیک.
قلبیمیزی آرزولارا قبر ائله دیک.
سوسماغی دا غیرت ساندی غیرتیمیز.
صبریمیزین لایلاسیندا
خومارلاندی غیرتیمیز.
بودؤزومه ،
بو ظولومه ،
حئیرتده دیر حیرتیمیز!