گزیده ی تاریخ و ادبیات آذربایجانی - AZƏRBAYCAN TARİX VƏ ƏDƏBİYYATINDAN SEÇİLMİŞLƏR

آذربایجان تاریخ و ادبیاتیندان ، سئچیلمیشلر

بختیار وهابزاده : بس بو نئجه گولوشدو ( میرزاعلی اکبر صابیرین خاطره سینه)

+0 به ین
وطن اوچون آغلاماق

سنین پایینا دوشدو

گؤردویون،ظلمت گئجه

ائشیتدیگین،سویوشدو

آغاجدا بوداق قورو

بودانالار هؤیوشدو

گولدون بوضدیته

بس بونئجه گولوشدو؟


ظولوملرعدالتی

ایتیردی ایلیم-ایلیم

انسان حقی - حقوقو

آیاق آلتدا بیر کیلیم

گوناهکار،اتهامچی

گوناهسیزسا،متهم

آشاغی نین حقینی

یوخاریلار بولوشدو

گولدون بومصیبته

بس بونئجه گولوشدو؟


بالالارین ائوده آج

ایچین، چولون،احتیاج

سن چؤرک ایسته مه دین

سن عدالت ایسته دین

"من گؤیده کی گونشی

دانا بیلمه رم" دئدین

قودوزایتلراوستونه

دورد طرفدن هوروشدو

گولدون بوفلاکته

بس بونئجه گولوشدو؟

اسارتین آغریسی

قلبینی داغلاییرکن

هر سطیرین هر سؤزون

جهالتله دویوشدو

اورکده آغلاییرکن

سن گولدون جهالته

بس بونئجه گولوشدو؟