+0 به ین
بیر گزاریش
چؤره ییمی الیمدن وئرسم ده
کؤینگیمی - یورقانیمی ساتسامدا
داشلاری یونسامدا
یوک داشیسامدا
آنبارلارین سیلسم ده
چؤره ییمی زیبل لر ایچیندن تاپسامدا
ای اینسانلار دوشمنی !
باریشمایاجاغام
آخیرده ک
ووروشاجاغام
*******
تورپاغیمین سون تیکه سین ده آل
جاوانلاریمی زیندانا سال
کیتابلاریمی یاندیر
قابلاریمدا ، ایتلریوه یال(ایت خوره یی) وئر
قورخو تله سین کندیمیزین داملاریندا قور
ای اینسانلار دوشمنی
باریشمایاجاغام
آخیرده ک
ووروشاجاغام
******
گؤزلریمین شعله سین سؤندورسن ده
اوپوشلری دوداقلاریمدان سیلسن ده
گولوشو اوشاقلاریمدان آلساندا
مینلر دیوار قالدیرسان دا
گؤزلریمی چارمیخا چکسن ده
ای اینسانلار دوشمنی !
باریشمایاجاغام
آخیرده ک
ووروشاجاغام