+0 به ین
اینسانلاری اویاتماسا شعرین نه فایداسی ؟
ائل دردینی آزاتماسا شعرین نه فایداسی
ظالیم لریله اوز اوزه دورموش ، دویوشمه سه
حق بایراغین اوجالتماسا ، شعرین نه فایداسی
یول تاپماسا اورکلره ،دیللرده گزمه سه
بیر معجزه یاراتماسا ،شعرین نه فایداسی
اود وورماسا قارانلیغا ، جهله ، اسارته
آتشفیشان قوپارتماسا، شعرین نه فایداسی
اؤز بختی تک قارایا بورونموش قادینلاری
آغ گؤنلره چیخارتماسا ، شعرین نه فایداسی
بیر چشمه تک بولانماسا ، سونرا دورولماسا
دریای عشقه چاتماسا ،شعرین نه فایداسی
پائیزلامیش کؤنوللره ، یازی گتیرمه سه
یاشیللیغی یاشاتماسا ، شعرین نه فایداسی؟
قیش، قار حیکایه سین ، باهارین گوللو گونلرین
قیسساتماسا- اوزاتماسا ، شعرین نه فایداسی
شاعیر ائل ایستکیله اؤرک کاسه سین اگر
هئی دولدوروب بوشاتماسا ، شعرین نه فایداسی
ائل دردینی آزاتماسا شعرین نه فایداسی
ظالیم لریله اوز اوزه دورموش ، دویوشمه سه
حق بایراغین اوجالتماسا ، شعرین نه فایداسی
یول تاپماسا اورکلره ،دیللرده گزمه سه
بیر معجزه یاراتماسا ،شعرین نه فایداسی
اود وورماسا قارانلیغا ، جهله ، اسارته
آتشفیشان قوپارتماسا، شعرین نه فایداسی
اؤز بختی تک قارایا بورونموش قادینلاری
آغ گؤنلره چیخارتماسا ، شعرین نه فایداسی
بیر چشمه تک بولانماسا ، سونرا دورولماسا
دریای عشقه چاتماسا ،شعرین نه فایداسی
پائیزلامیش کؤنوللره ، یازی گتیرمه سه
یاشیللیغی یاشاتماسا ، شعرین نه فایداسی؟
قیش، قار حیکایه سین ، باهارین گوللو گونلرین
قیسساتماسا- اوزاتماسا ، شعرین نه فایداسی
شاعیر ائل ایستکیله اؤرک کاسه سین اگر
هئی دولدوروب بوشاتماسا ، شعرین نه فایداسی