+0 به ین
خان ننه، هایاندا قالدین
بئله باشیوا دولانیم
نئجه من سنی ایتیردیم!
دا سنین تایین تاپیلماز
سن أولن گون، عمه گلدی
منی گتدی آیری كنده
من اوشاق، نه آنلایایدیم ؟
باشیمی قاتیب اوشاقلار
نئچه گون من اوردا قالدیم.
قاییدیب گلنده، باخدیم
یئریوی ییغیشدیریبلار
نه أوزون و نه یئرون وار
«هانی خان ننه‌م؟» سوروشدوم
دئدیلر كه: خان ننه نی
آپاریبلا كربلایه
كه شفاسین اوردان آلسین
سفری اوزون سفردی
بیر ایكی ایل چكر گلینجه
نئجه آغلارام، یانیخلی
نئچه گون ائله چیغیردیم
كه سسیم، سینم توتولدی
او، من اولماسام یانییندا
اوزی هئچ یئره گئدنمز
بو سفر نولوبدی من سیز
أوزی، تك قویوب گئدیبدی ؟
هامیدان آجیخ ائدركن
هامیا آجیخلی باخدیم
سورا باشلادیم كه: من ده
گئدیرم اونون دالینجا
دئدیلر: سنین كی تئزدیر
امامین مزاری اوسته
اوشاغی آپارماق اولماز
سن اوخی، قرآنی تئز چیخ
سن اونی چیخینجا بلكه
گله خان ننه سفردن
تله سیك، راوانلاماقدا
اوخویوب قرآنی چیخدیم
كه یازیم سنه: گل ایندی
داها چیخمیشام قرآنی
منه سوقت آل گلنده
آما هر كاغاذ یازاندا
آقامین گؤزی دولاردی
سنده كی‌گلیب چیخمادین
نئچه ایل بو انتظار لا
گونی، هفته نی‌سایاردیم
تا یاواش یاواش گوز آچدیم
آنلادیم كه، سن اولوبسن!
...
بیله بیلمییه هنوزدا
بئله باشیوا دولانیم
نئجه من سنی ایتیردیم!
دا سنین تایین تاپیلماز
سن أولن گون، عمه گلدی
منی گتدی آیری كنده
من اوشاق، نه آنلایایدیم ؟
باشیمی قاتیب اوشاقلار
نئچه گون من اوردا قالدیم.
قاییدیب گلنده، باخدیم
یئریوی ییغیشدیریبلار
نه أوزون و نه یئرون وار
«هانی خان ننه‌م؟» سوروشدوم
دئدیلر كه: خان ننه نی
آپاریبلا كربلایه
كه شفاسین اوردان آلسین
سفری اوزون سفردی
بیر ایكی ایل چكر گلینجه
نئجه آغلارام، یانیخلی
نئچه گون ائله چیغیردیم
كه سسیم، سینم توتولدی
او، من اولماسام یانییندا
اوزی هئچ یئره گئدنمز
بو سفر نولوبدی من سیز
أوزی، تك قویوب گئدیبدی ؟
هامیدان آجیخ ائدركن
هامیا آجیخلی باخدیم
سورا باشلادیم كه: من ده
گئدیرم اونون دالینجا
دئدیلر: سنین كی تئزدیر
امامین مزاری اوسته
اوشاغی آپارماق اولماز
سن اوخی، قرآنی تئز چیخ
سن اونی چیخینجا بلكه
گله خان ننه سفردن
تله سیك، راوانلاماقدا
اوخویوب قرآنی چیخدیم
كه یازیم سنه: گل ایندی
داها چیخمیشام قرآنی
منه سوقت آل گلنده
آما هر كاغاذ یازاندا
آقامین گؤزی دولاردی
سنده كی‌گلیب چیخمادین
نئچه ایل بو انتظار لا
گونی، هفته نی‌سایاردیم
تا یاواش یاواش گوز آچدیم
آنلادیم كه، سن اولوبسن!
...
بیله بیلمییه هنوزدا
اوره گیمده بیر ایتیه وار
گؤزوم آختارار همیشه
نه یاماندی بو ایتیكلر
...
خان ننه جانیم ، نولیدی
سنی بیرده من تاپایدیم
او آیاقلار اوسته ، بیرده
دؤشه نیب بیر آغلایایدیم
كی داها گئده نمییه یدین
...
گئجه لر یاتاندا ، سن ده
منی قوینونا آلاردین
نئجه باغریوا باساردین
قولون اوسته گاه سالاردین
آجی دونیانی آتاركن
ایكیمیز شیرین یاتاردیق
یوخودا ( لولی ) آتاركن
سنی من بلشدیره ردیم
گئجه لی ، سو قیزدیراردین
اؤزووی تمیزلیه ردین
گئنه ده منی اؤپه ردین
هئچ منه آجیقلامازدین
...
ساواشان منه كیم اولسون
سن منه هاوار دوراردین
...
ائله ایستیلی او ایسته
داها كیمسه ده اولورمو ؟
اوره گیم دئییر كی : یوخ – یوخ
او ده رین صفالی ایسته
منیم او عزیزلیغیم ته
سنیله گئدیب ، توكندی
...
خان ننه اؤزون دئییردین
كی : بهشت ده ، الله
وئره جه ك نه ایستیور سن
بو سؤزون یادیندا قالسین
منه قولینی وئریبسه ن
...
ائله بیر گونوم اولورسا
بیلیرسن نه ایستیه رم من ؟
سؤزیمه درست قولاق وئر :
سن ایلن اوشاخلیق عهدین
خان ننه آمان ، نولیدی
بیر اوشاخلیغی تاپایدیم
بیرده من سنه چاتایدیم
سنیلن قوجاقلاشایدیم
سنیلن بیر آغلاشایدیم
یئنیدن اوشاق اولوركن
قوجاغیندا بیر یاتایدیم
ائله بیر بهشت اولورسا
داها من اؤز الله هیمدان
باشقا بیر شئی ایسته مز دیم