گزیده ی تاریخ و ادبیات آذربایجانی - AZƏRBAYCAN TARİX VƏ ƏDƏBİYYATINDAN SEÇİLMİŞLƏR

آذربایجان تاریخ و ادبیاتیندان ، سئچیلمیشلر

بختیار وهابزاده: وقت

+0 به ین
اوشاقلیغیم ، گنجلیییم، آهیللیغیم، عینیمی؟

یوخ هر بیری باشقادیر بیر- بیرینه یاد كیمی

گلن قاوور گئدنی

اینكار ائدیر من ، منی...

عؤمرون هر پیلله سینده باشقالاشیر طبعیمیز

دونیادا مقصدیمیز ، دونیادان طلبیمیز

وقت منی پروانه تك باشینا دولاندیریر

دونن قانمادیغیمی بوگون منه قاندیریر

كیم دؤشونه دویر كی

من واحیدم . من بیرم!

بیرجه بونو بیلیرم : من گوجلویم ، قادیرم

من گوجسوزم ، عاجیزم تكجه وقتین الینده

عؤمرون او ساحیلینه الیم یئته بیلمه ییر

عؤمرون بو ساحیلینده

هانی گؤزومون نورو؟

هانی قلبیمین گورو؟

كیمدیر اوتان ، اوتوزان، زمان ایله آرزونون ابدی یاریشیندا!

ساچیمین آغلیغیندا.آلنمین قیریشیندا

زمان نئجه آت چاپیر، یویه نی اؤز الینده

اوغول سان سا ، تاپ گؤرك ، كیمدیر آتین بئلینده !

من اؤز آزادلیغیما، تانری دئدیم ، حق دئدیم

بیر حؤكمه بیر فرمانا، من باشیمی ایمه دیم

آمما وقتین دالینجا

عؤمروم بویو غول كیمی نئجه سورونموشم من

قولومداكی ساعاتین ، قولونا(بنده سینه)دونموشم من