+0 به ین
هاردایسه بو دمده
دریادا باتان وار.
واردیرسا كؤمك سیز
فریادا چاتان وار.
دونیادا آلاننان
اولّجه ساتان وار.
آتش اؤز- اؤزوندن
بیردن-بیره یانمیر.
بیر شئی بو جاهاندا
بیهوده یارانمیر.
واردیرسا، یارانمیش،
موطلق یارادان وار.
وارسانسا... اؤزوندن
اولّجه آتان وار.
دونیا قورو بیر سس،
غم چكمه یه دیمز.
یوز-یوز ایتن اوْلسون،
مین- مین ده بیتن وار.
شوكر ائیلییه لیم كی،
بیزلردن هم اول،
هم سونرا وطن وار.