گزیده ی تاریخ و ادبیات آذربایجانی - AZƏRBAYCAN TARİX VƏ ƏDƏBİYYATINDAN SEÇİLMİŞLƏR

آذربایجان تاریخ و ادبیاتیندان ، سئچیلمیشلر

صمد پورامان: گؤندره ن :Ayhan :بودور قورخو – بودور دهشت – بودودور آغری ...

+0 به ین
كتاب ائویندن چئخاركن

بوم – بوش بیر كوچه ده

گوزوم حیرت له هر طرفه آخدی

ایاغلاریم

پریشان میدانا چاتار- چاتماز

بئله گوردوم :

هركس بیر طرفه قاچئر

میدانداكی ساعاتئن تیك – تاكئنن آرخاسئندان

قورخولو سسلر اوجالئر

ائولردن

قولاغلار پنجره یه دیره نیر

خیال گویه رچینی

یواسئن ایتیرمیش قوش تكین

بیلمه ییر هایانا اوچور

اوره گلر قفسینده چئرپئنئر

آجی كوله گ

هردن بیر هاردانسا

بارئت ائیی گه تیریب

كوچه لره سه پیر - كئچیر

بونلارلا بئله

بو حال لار ائله ده قورخولو دئیل

قورخولو بودور كی:

1 - باغچا دئینده

اوره گلرده بنوشه گویه رمه یه

سارماشئق – سروین الیندن توتوب

گونه شه اوجالمایا

2- سحر دئیه نده

گوزلرده گونش دوغمایا

3 – گئجه دئیه نده

آی – اولدوز خاطر دن آخمئیا

4 – گول دئینده

نفسلره عطیر سوزمه یه

5 – یاز دئیه نده

گونش قارا زولفون چه كیب

یئره گولوش پایلامایا

6 – یاغئش دئیه نده

بولاغلار جوشمایا

قئزلارئن سه هه نگی سئوگیدن داشمایا

7 – گوزه ل دئیه نده

آل یاناغدا قارا خالا

قونچا دوداغلاردا بالا

شعر – غزل یارانمایا

باهار اؤله اویانمایا

یای اوزونو بوتون گونلر

قار – قارلایا دایانمایا

باخ ....