من قورخورام ، سن قورخوسان

اودا قورخور ، بودا قورخور

قورخوروق بیز

تازا فیكیر بینیمیزه گلن كیمی

تئز قورخوروق

قورخدوغوموز بس دئیلمیش  باشقاسیندان

ئوزوموزدن بیز قورخورق

قورخو ، قورخو

بیر قورد اولوب یئییر بیزی ایچیمیزدن

نه گؤزله ییر وطن بیزدن؟

ایراده یوخ

كیشیلیك یوخ

بیز قورخوروق

بیز قورخوروق

فیكیر ئولور

جان سوستالیر

ئورك دونوب

روح بوغولور

قورخو بیزیم دیلیمیزده كلید اولور

بینیمیزده قفیل اولور

درد بودوركی

بو دردیده

بیز قانیریق ، بیز بیلیریك

قورخا ، قورخا

ئوزوموزده ، ئوزموزاوچون

بیر قورخیا چئوریلیریك

Mən qorxuram sən qorxursan

O da qorxur,bu da qorxur
Biz qorxuruq
Təzə fikir beynimizə gələn kimi
Tez qorxuruq
Başqasından qorxduğumuz bəs deyilmiş
Özümüzdən biz qorxuruq.
Qorxu, qorxu
Bir qurd olub yeyir bizi içimizdən
Nə gözləyir vətən bizdən?
İradə yox
Kişilik yox
Biz qorxuruq
Biz susuruq
Fikir ölür
Can sustalır
Ürək donub
Ruh boğulur
Qorxu bizim dilimizdə kilid olur
Beynimizdə qıfıl olur
Dərd budur ki bu dərdi də
Biz qanırıq, biz bilirik
Qorxa qorxa
Özümüzdə, özümüz üçün
Bir qorxuya çevrilirik