+0 به ین
نییه تک سن منی
دیللندیریسن، کیمسن سن؟
شعریمین باغینی گوللندیریسن، کیمسن سن ؟
نییه تک سن آپاریریسان منی عشق عالمینه
اوردا احساسی گؤزللندیریسن، کیمسن سن ؟
گؤزلریندن جالادین کؤنلومه شعری –غزلی
منی بیر پارچا غزللندیریسن، کیمسن سن؟
باهارین عطرین آلیرسان وئریسن باغچالارا
قیشدا دونیانی چیچکلندیریسن، کیمسن سن؟
هئچ بیلیرسن نه اویونلار گتیریرسن باشیما
منی اؤز باشیما فیرلاندیریسان، کیمسن سن؟
گاه منی آتش هیجرانه آتیب، یاندیریسان
گاه گلیب گولدوروسن ، دیندیریسن، کیمسن سن؟
کاویانین دگیشیرسن حیاتین ، دویغولارین
غصه لی عالمینی سیندیرسان ،کیمسن سن ؟
آردینی اوخو