..................                                    

پیادا كئچمیشم من بو یول لاری    كؤمه یی اومموشام آیاقلاریم دان

قلبیمین اودیله شاختانی قاری   اریتدیم عؤمرومون ایلك چاغلاریندان

یانیمدان ، ماشین لار قاتارلار اؤتوب   منه  ال ائدیب لر  پنجره لردن

اونلارین باشیندان یاغیش، قار اؤتوب  گؤیلرین آلتیندا ایسلانمیشام من

سرنشین یول گئتدی ،  یولدان خبرسیز  بیلمه دی بویولدا كله – كوتور وار

آنجاق پیادانین ، خبر – اتر سیز        آلنیندا ایز آچدی گئتدیی یول لار

          ............                                      

عؤمور یوللاریندا راحات گئدنلر       زیروه لر باشینا اوجالا بیلمز

تكرلر اوستونده دیبیرلنن لر        چاتدیغی منزیلده ، بند  اولا بیلمز

بیری تكر اوسته گتیریلدیسه          بیرینی گتیرن آیاق لار اولدو

بیری بو منزیلده كیرایه دار ایسه     بیری بومنزیلده صاحیبكار اولدو

كیتابلار اؤخودون، مكتب بیتیردین
 نئچه معلّیمه امتحان وئردین
وظیفه تختینه چیخاندان بری
 گزدین شهرلری مملكت لری
گؤرورم ماشاالله بول ساوادین وار !
 هر یئردن هر شئیدن معلوماتون وار !
بونلاری بیلمك له ، چوخ اویونمه سن
 خبرین وارمی دیر بس اؤز آؤزوندن ؟
اؤز دوغما كندیندن ؟
 اؤز ائل اوباندان ؟
 اصلیندن كؤكوندن، اؤلو باباندان ؟
بویوك داهیلری ازبر بولورسن
 اؤزگه لر اؤنونده چوخ اییلیرسن
دی نئچین؟
بیلیك دن ساواددان قاباق
غئیرت ایسته ییرم من سندن آنجاق !
بیلیك آلینمادیر ، بیلییه نه وار
اؤنو زحمت له ده ، قازانماق اولار
چتین دیر غئیرتی، سعیله قازانماق
اگر مایامیزلا بیر دوغولماسا
والله بیلیك لرین بیر فایداسی یوخ
اونو خرجلمه یه ، غیرت اولماسا
آختارما ادادا گؤزدن سن اونو
سانما كی او سنین اؤز الینده دیر
غئرت پالتار دئیل ،  گییه سن اونو
غئیرت غئیرتلینین عملینده دیر
آمما غئیرتینین ناقیصلییندن
شیكایت ایله ین گؤرمه میشم من
كاش ائله بیر جهاز كشف ائدیلییدی
قانداكی غئیرتی اولچه بیلیدی
اوندا شرفسیزلر ، رتبه یه مینمز
اوندا عمل اوچون سؤزه نه حاجت
اوندا اؤز یئرینی توتاردی هر كس
قاپیلار دالیندا قالمازدی غئیرت