گزیده ی تاریخ و ادبیات آذربایجانی - AZƏRBAYCAN TARİX VƏ ƏDƏBİYYATINDAN SEÇİLMİŞLƏR

آذربایجان تاریخ و ادبیاتیندان ، سئچیلمیشلر

رحیم كاویان شبستری :بوراخسا منی

+0 به ین

سوزلر یازاجاغم آلا گؤزلردن     چؤرك فیكری اگر بوراخسا منی

ایلهام آلاجاغام شیرین سوزلردن     چؤرك فیكری اگر بوراخسا منی

منی دیللندیرن دیندیرن سن سن    سنلن گولور باهار گولله نیر چمن

سنی غزلیمده یاشادارام من       چؤرك فیكری اگر بوراخسا منی

گؤزلرین ساحیلین دولاناجاغام     اوردا هئی دورولوب بولاناجاغام

یئنه ده عشقون ایله قالاناجاغام    چؤرك فیكیری اگر بوراخسا منی

یئنه ده سینه مه ساز آلاجاغام     یئنه سازی چالیب سازالاجاغام

داغلارا داشلارا سس سالاجاغام    چؤرك فیكیری اگر بوراخسا منی

سؤزلر قالاخ قالاخ قالیب سینمده    عالمین حسرتی نیسگیلی منده

یینه یازاجاعام باهار گلنده              چؤرك فیكیری اگربوراخسا منی

منه قاش قاباقلی دئین نازنین       آلنی آچیق یاشاماق چتیندیر چتین

بیر گون قاش قاباغیم چكیلر یقین    چؤرك فیكیری اگر بوراخسا منی

هله لیك عشقدن دانیشما منه       هله من بورجلیام دوستا ،وطنه

عشقین غونچه لری گولله نر یئنه      چؤرك فیكیری اگربوراخسا منی



فیكرت قوجا:كسه كسه ،آسا آسا

+0 به ین

 دئییرلر دونیادا بیر آدم اولوب ، بیر حوٌا

دئمك هامی باجی - قارداشدی

یئدی میلیارد باجی - قارداشین

هله ده یاریسی گؤزو یاشلی.

مهربان دولانیر باجی -قارداشلار

كسه - كسه ، آسا- آسا.

 آدم - حواٌَُ  ناغیلی اعلادیر ،

هابیل - قابیل احوالاتی اولماسا اگر



آردینی اوخو

فیكرت قوجا: بابالاریم

+0 به ین
بیری قاچاق اولوب ، مرد اولوب

بیری قوچاق اولوب ، مرد اولوب

بیری كاسیب اولوب ، مرد اولوب

بس بو نامرد لر هارداندی

باخ بو منه درد اولوب



نریمان حسن زاده : قیمت

+0 به ین

            قیمت

منیم كتابیمی اوجوز ایله یین 

طلبه لر اوچون ، فهله لر اوچون   

هارداسا لاپ كاسیب بیر نفر اوچون 

معاشی آشاغی اولانلار اوچون 

شهرده ،كیرایه قالانلار اوچون

اوخوماقدان ئوترو آلانلار اوچون

چؤرك قیمتینه ،دوز قیمتینه 

قوی سونرا قالخسین اؤ ئوز قیمتینه