+0 به ین
ایکی یولون آراسیندا دایانیب
گاه او یاندان گاه بو یاندان قورخورام
دیودن دئیل میلچک قدر گوجویله
من اؤزونو دیو سایاندان قورخورام
حاق ائوینده حاق دیوانی قورولموش
هر قازانجین اؤز باهاسی سورولموش
تمناسیز بوینوموزا یوک اولموش
باغیشلانان شرف - شاندان قورخورام
بو دونیادان اوماجاقیم «میزان» دیر
قورخدوغوم کس بو میزانی پوزاندیر
توخ گدانین قودورماسی یاماندیر
آجلاردان یوخ من دویاندان قورخورام
اویوروقسا «نفس» آدلانان ائلچیه
توپوروروک «ویجدان»کسن اولچیه
اودور وئرن دوز قیمتی هر شئیه
ویجدانیندان قورخمایاندان قورخورام
(دکابر-1998)
آردینی اوخو