+0 به ین
آردینی اوخو
اونا دئكی خوشبختم *** یالان دانیش آدیمدان
دئ كی اثر قالمایب*** سن گؤردویون آدامدان(قادیندان)
دئ كی هئچ اسكیك اولمور*** اؤز- گؤزوندن سعادت
سنی چوخدان اونودوب *** خوشبخت اولوب نهایت
نه اولار، اونا دئمه كی *** اونسوز دلی اولموشام
آرزولاری بهره سیز *** یاری یولدا قالمیشام
آدیمی چكمه نولار*** آدیمیدا آنماسین
من بیتدیم ، هئچ اولماسا *** اونون قلبی یانماسین
منی اونا تانیتما *** قوی منی "گؤناه" بیلسین
من، مین دفه اؤله رم *** قوی او بیر دفه اؤلسون
گؤزلرینه چوخلو باخ*** گؤر ، ینه ده سئویرمی؟
سوروشسا من هاردایام *** نولار دئمه یئریمی
عزیز دوست ، سون خواهیشیم... *** توت اونون اللریندن
منه قوخوسون گتیر *** قوی عطری گلسین سندن!
اونا دئ كی خوشبختم ***یالان دانیش آدیمدان
دئ كی اثر قالمایب*** سن گؤردویون آدامدان(قادیندان)
آردینی اوخو