اؤزون ایتیرنلر ،غلام اولانلار 
میلتین آتیب ،دیلین دانانلار  
 تولكو كؤلگه سینده دالدالانلار

اوتانین ، اؤزوزو چوخ دا ساتمایین

اؤلوم شرفلی دیر اؤلونجا یالتاق
یالتاقدیر دونیادا آلچاقدان آلچاق

یالتاقدان قان چیخماز وورساندا پیچاق
اوتانین اؤزوزو چوخ دا ساتمایین

تهراندا ایتیریب بعضیلر اؤزون 

بیلمیر توركجه دئسین یا فارسجا سؤزون

نامردلر قورخودوب اونلارین گؤزون

اونلاری سیز الله بیزه قاتمایین

بونلارین ایشلری اولوب اویونچاق

اؤزگه لر الینده اولوبلار قولچاق
بونجا اؤزگه دیلین قیریلداتمایین

دوغروسو اوتانیر گؤرنده اینسان
بو قیرجانانلاردا یوخ ذرره ویجدان

ایندی كی یوخوزدو داماریزدا قان
اؤزوزو اینسانا هئچ اوخشاتمایین.

" سنه اؤره ییمده ، چه پیك چالیرام ..."

اودا من ،

بودا من.

كیمه حاق وئریم ؟

معجیزه ایچینده باشقا معجیزه .

نه حاكیم بللی دیر ، نه ده موتتهم .

كاش ، قانمایایدیم

اؤزومله اؤز-اؤزه دایانمایایدیم. (كامیل اوخو)