+0 به ین
دئیرلر ، قوجا فیل لر
ئولوم گونلرینین یاخینلاشدیغینی بیلیرلر.
بیر نئچه گون قاباق
باشلارینی سالیب آشاغی
نه سنه ، نه منه ،
خورتوملاری یئلله نه - یئلله نه
چكیلیرلر مئشه نین قیراغینا.
اوزانیب ساكیت ، گوزله ییرلر ئولومو.
سون واخت لار
فیل اولماق قورخوسو
یامان سیخیر كونلومو
+0 به ین
ئوز قلبینده دفن ائتمشدی
ئوز- ئوزونو
ایچریدن آلیشاردی
ئوز آهیله ، ئوز دردیله
داغیداردی توستوسونو
نه دردینی بیلدیرردی بیركیمسه یه
نه غمینی
ساچلاریندا آغارداردی سیتمینی
هر آجیا قاتلاشاردی
او ، آشاردی
آشیلمایان سیرتی ، داغی
اونون اوچون ان دهشتلی بیر عذابدی
عذابیندان دانیشماغی
بیر پرده یه كئوكلنمیشدی اونون قلبی
آخشامیدا ، سحریده
سئوینجیده ، كئدریده
سالاممادی اونو بیرآن
نه آغریسی نه آجیسی
دایاندیغی مقامیندان .
واخت ئوتدوكجه
ایسته دییی یوئنه سالیب
زمان اونو خمیر كیمی
كئونده له دی
یامان اونو رنده له دی
قیریشلاندی ایللر اونون صیفتینده
زمان اونون قلبینده ده جیغیر آچدی
ئوره ییده یوخالاشدی
بولود كیمی هی بوشالیب
دولدو داشدی
دئیمه دوشر اولدو كیشی
گئوروردوك كی گاه آچیلیر
گاه توتولور
او ، هامیدان سئوگی اومور
قایغی اومور
من ده اونون ئوزو كیمی
خسیس ایدیم
ئوز سئوگیمی بیلدیرمه یه
اونا تسلی وئرمه یه
اوتانیردیم
سیخیلیردیم
ئوره ییمی بیلدیرمه یه
ئوز ئوزومه آر بیلیردیم
منه ائله گلیردیركی
اونو ئوپوپ قوجاقلاماق
یونگول چیخار
چوخ شیت چیخار
او، كاریخار
او ، داریخار
نه بیلئیدیم
ائله بونو گئوزله ییرمیش
بلكه مندن
او ، دولاندا
بولود كیمی توتولاندا
عادیجه بیر ائولاد كیمی
من آتاما
نه قایغیمی بیلدیرردیم
نه سئوگیمی
ئوره یینه باش وورمادیم
قوللوغوندا هئچ دورمادیم
بیلمه دیم بیر ایسته یینی
دیله یینی
ئوز سئوگیمله
ایسسیتمه دیم ئوره یینی
یاشایاركن منیم اونا كیچیك بیر تبسسوموم
سوزولردی ئوره یینه
كئونول آچان بیر نغمه تك.
او اولدومو؟
بوندان سونرا
تآسسوفله آخیتدیغیم
گئوز یاشلاریم
كیمه گرك؟
نه یه گرك
بلی آرتیق كئچمیش اولا
كیم گؤروب كی تآسسوفله قلب بوشالا
هایف هایف نیداسینا
چاتیر آنجاق قدرتیمیز
الیمیزده اولان زمان
بیلمه ییریك هئچ بیر شئین قدرینی بیز
ائی ائولادلار
آییق سالماق ایسته ییرم
ایندی سیزی
گیزلتمه یین آتانیزا آنانیزا سئوگینیزی
اولورسونوز ، دومان اولون
سیس اولما یین
نه قدر خسیس اولسانیزدا
سئوگیده خسیس اولمایین
ابدیلیك بیر آغری تك
سونرا سیزی یاندیراجاق
گؤینه ده جك .
تویدان سونرا بو ناغارا
كیمه گرك؟
ایتیردیین دوغمالاری
عزیزلری
قایتارا كی، بیلمه یه جك
قلبینیزده دؤیونه جك
ئوزونوزون ئوزونوزه آتدیغینیز
تنه داشی،
گؤزونوزده حسرت توزو
اوندان سونرا
كیمه وئره بیلرسینیز
باغرینیزدا سیزیلدایان
قایغی، سئوگی بورجونوزو؟
+0 به ین
میزلر قالیر ،اوتورانلار دئیشیر گلن دئیر، گلیشیمله یاز اولوب
بیرجه ایلی باشا وئریب قیشقیریر دئیشدیردیم، ایری دؤنوب دوز اولوب
سن یالانین بویونا باخ آی آلله دیوانینا تویونا باخ آی آلله
دوشدویوموز اویانا باخ آی الله اوتوز ایلین فاحیشه سی ، قیز اولوب
ایپك ایمیش آچیلمامیش باراما هر چیچكدن ملهم اولماز یاراما
هر دنیزدن سن میرواری آراما یاخشی پیسدن ، قیزیل میسدن آزاولوب
آلقیشلارا تعریفلره اویما چوخ نوفوذونو داغ باشینه قویما چوخ
من،من دئیه ئوز دئوشونه دؤیمه چوخ هانسی سئرچه لپریندن ایز اولوب
گئوردوم واختین فیتنه سینی فعلینی ای بختیار ساخلا گئورك دیلینی
سیندیریبلار حقیقتین بئلینی ایندی دؤنوب آغیزلاردا سئوز اولوب
+0 به ین
*****************
بویودویون ، دوغولدوغون وطنینده
حاق تاپدانیب شر اودولسا، وای حالینا
سخاوتین ، اونودولسا غم ایله مه
لیاقتین اونودولسا، وای حالینا
ایمضاسی وار یاسدا تویون ، تویدا یاسین
بو قوطبلر بیر- بیریندن آیریلماسین
سنه شورون باهالیغی درد اولماسین
یاغین شورلا بیر توتولسا وای حالینا
هر صوحبتین هر مجلیسده یئری دئیل
اونودماكی قوجالیرسان سن ایل به ایل
یاشیدلارین سنه گولسه ظرافت بیل
بالان یاشلی جوان گولسه ، وای حالینا
حیاتیندان گیلیله نیب چوخ آغلاما
اوتنلری ، یانا یانا واراقلاما
آرزولارین ئولمه سینه یاس ساخلاما
اینام ئولسه ، ایمان ئولسه وای حالینا
نوقصانینی ئوزه دئین نامرد دئیل
كیرایه ده یاشادیغین ائو، یورد دئیل
آنان سنه ئوگئی اولسا بیر درد دئیل
زمان سنه ئوگئی اولسا وای حالینا