گزیده ی تاریخ و ادبیات آذربایجانی - AZƏRBAYCAN TARİX VƏ ƏDƏBİYYATINDAN SEÇİLMİŞLƏR

آذربایجان تاریخ و ادبیاتیندان ، سئچیلمیشلر

بختیار وهابزاده:هاچلانمیشام

+0 به ین

منیم قسمتیم دیر آلاتورانلئق
گئجه ایله گوندوزون آراسیندایام
قورولور ایچیمده میزان ترازو
او گؤزله بو گؤزون آراسیندایام
یوللار آیریجیندا چوخ تالانمیشام
فیكیرلر الینده هاچالانمیشام
تپّه دن قورخموشام، دوزو دانمیشام
ایندی داغلا، دوزون آراسیندایام
ایلیشیب قالمیشام غم چالاسیندا
بیر گؤزل طیلیسمین داش قالا سیندا
همیشه قاپیلار آستاناسیندا
باییرلا دهلیزین آراسیندایام
بختیار سینه دن نئچه مَن كئچیر
بیری دردلی كئچیر، بیری شَن كئچیر
مفتوللی چپرلر سینه مدن كئچیر،
باكی لا تبریزین آراسیندایام




آردینی اوخو

جابیر نوروز:آمریكا

+0 به ین

آمریكا بیر اؤلكه دیر ، پول اؤلكه سی
 
باشدان باشا دایانیبدیر پول اوستونده

ماشین لاری گئجه گؤندوز دولار كسیر
 
مین دولارا سور اوستونده

هامی اوچو ، دولار اوودور
 
وورها - ووردور ، قاچا-قاچدور - قوهاقودور

آل ها آلدیر ، كسه كسدیر ، بسه- بس دیر


تكجه وارون اولدو بسدیر

...............................

آنا دوغور بالاسینی پول اوستونده

سونرا بوغور بالاسینی ، پول استوند

دئدیكلریم آزدیر هله

نه دئیه سن بئله یئره

بو اؤلكه نین ، یئكه ، بویوك پرزیدنتی

دایانیبدیر پول اوستونده



شادی شبستری:آغلارام

+0 به ین
قوجالمیشام ، جوانلیغا آغلارام *** كئچیب گئدن نادانلیغا آغلارم

گئدنمیرم عزیزلره باش چكم *** قدیم اولان قوناقلیغا آغلارام

چراغینان گونوز گزدیم، تاپمادیم  *** تاپیلمایان اینسانلیغا آغلارام

چوبانلیغی هئچ شاهلیغا وئرمه رم *** دوستدان دوشن اوزاقلیغا آغلارام

سئوگیمین هیجرانی بوكدو بئلیمی*** تئز پوزولان ایلقاریما آغلارام

یالقیزام من كیمه دئیم دردیمی *** تئز داغیلان تیفاقیما آغلارام

غم - غصه لر منه هجوم گتیریر***ئوز كمكسیز احوالیما آغلارام

مزار ایچره قالیب گؤزل دیلداریم***گون گؤرمه ین دیلداریما آغلارام

سئوگیلیمین گول پیكری چوروموش*** خزان اولان گولزاریما آغلارام

دله دوزلر سالدی بیزی بو گونه *** مظلوملارین من آهینا آغلارم